Nueva Ecija – Tinatayang Php394,400 halaga ng ilegal na droga ang nakumpiska sa isang High Value Target (HVT) sa ikinasang Anti-Illegal Drug Operation ng mga operatiba ng Cabanatuan City PNP sa Purok 1, Brgy. Cruz, Roja, Cabanatuan City, Nueva Ecija nito lamang Martes, ika-19 ng Setyembre 2023.
Kinilala ni Police Lieutenant Warly Bitog, Acting Chief of Police ng Cabanatuan City Police Station, ang High Values Target na si alyas “Nelson”, 41, residente ng Cabanatuan City, Nueva Ecija.
Bandang 2:09 ng madaling araw, nakumpiska ang tinatayang Php394,400 halaga ng shabu na may bigat na 58 gramo mula sa suspek at sasampahan ng kasong paglabag sa RA 9165 o Comprehensive Dangerous Drugs Act of 2002.
Sinisiguro ng Cabanatuan City PNP ang patuloy sa pagpapaigting ng kampanya laban sa ilegal na droga at pinapaalalahanan na mananagot sa batas ang mga gumagamit at nagbebenta ng ilegal na droga.
Source: Cabanatuan City Police Station
Panulat ni PCpl Jeselle V Rivera
