Naga City, Camarines Sur – Tinatayang nasa Php391,000 halaga ng shabu ang nakumpiska sa buy-bust operation ng Naga City PNP nito lamang Lunes, Hunyo 27, 2022.
Kinilala ni Police Colonel Nelson A Pacalso, City Director ng Naga City Police Office ang suspek na si Anthony Comprado y Tiguara alyas “Borongoy”, 23, binata, residente ng Zone 7, Sagrada Familia, Barangay Penafrancia, Naga City.
Ayon kay PCol Pacalso, nahuli ang suspek bandang 11:50 ng gabi sa Zone 4, Barangay Tabuco, Naga City ng pinagsanib na pwersa ng mga operatiba ng Naga City Intelligence Unit, Naga City Drug Enforcement Unit, Regional Police Drug Enforcement Unit 5 at sa pakikipag-ugnayan sa PDEA Regional Office 5.
Ayon pa kay PCol Pacalso, nakumpiska mula sa suspek ang dalawang piraso ng hinihinalang shabu na may timbang na 55 gramo na tinatayang may street market value na Php370,000, isang cal.38 revolver na may anim na bala, Php500 buy-bust money at Php17,500 na boodle money.
Ang suspek ay nahaharap sa kasong paglabag sa RA 9165 o ang Comprehensive Dangerous Drugs Act of 2002.
Pinuri naman ni Police Brigadier General Mario A Reyes, Regional Director ng Police Regional Office 5 ang pagsisikap ng operating team para sa matagumpay na operasyon.
“We remain steady with our goals in keeping the community safe and secured thus, we shall continue to conduct and strengthen our strategies to solve the problems on illegal drugs”, saad ni PBGen Reyes.
Source: PNP Naga NCPO
###
Panulat Patrolman Rodel Grecia
