Nakumpiska ang tinatayang Php387,600 halaga ng shabu sa ikinasang operasyon ng City Drug Enforcement Agency ng Cagayan de Oro City Police Office katuwang ang City Intelligence Unit nito lamang ika-6 ng Agosto 2024.
Ayon kay Police Brigadier General Ricardo G Layug, Jr., Regional Director ng Police Regional Office 10, ang operasyon ay nagresulta sa pagkakaaresto ng suspek na si alyas “Ryan”, 35 taong gulang, lalaki at residente ng Sitio Calaanan, Barangay Canitoan, Cagayan de Oro City.
Nakumpiska mula sa suspek ang tatlong heat-sealed transparent sachets na pawang naglalaman ng hinihinalang shabu na tumitimbang ng humigit kumulang 57 na gramo na may Standard Drug Price na nagkakahalaga ng Php387,600.
Nahaharap sa kasong paglabag sa Republic Act 9165 o Comprehensive Dangerous Drugs Act of 2002 ang suspek.
Ang pagkakaaresto sa suspek ay bunga ng matagumpay na kampanya ng PNP alinsunod sa programa ng gobyerno sa pagtugis sa mga taong nagkasala sa batas at patuloy na ginagampanan ang sinumpaang tungkulin para sa ligtas, maunlad at mapayapang Bagong Pilipinas.
