Nasakote ng mga tauhan ng Makati City Police Station ang isang High Value Individual kasama ang apat na iba pa sa ikinasang anti-illegal drug buy-bust operation nito lamang Miyerkules, Setyembre 11 , 2024.
Kinilala ni Police Brigadier General Leon Victor Z Rosete, District Director ng Southern Police District, ang mga naarestong suspek na sina alyas “Andong”, HVI, 43 anyos, construction worker, dating naaresto dahil sa paglabag sa RA 9165 at RA 10591; alyas “Joy”, 27 anyos, babae; alyas “Cris”, 43 anyos, lalak; alyas “Mart”, 32 anyos, lalaki, dating naaresto para sa RA 9165 at PD 1602, at alyas “Woman”, 44 anyos, karpintero, na dati ring naaresto para sa RA 9165 at PD 1602.
Naganap ang operasyon sa General Lacuña St. Barangay Bangkal, Makati City bandang 1:41 ng madaling araw sa pangunguna ng Station Drug Enforcement Unit kasama ang mga tauhan ng Station Intelligence Section ng istasyon matapos makabili ang isang police poseur buyer ng isang knot-tied transparent plastic bag na naglalaman ng hinihinalang shabu sa halagang Php80,000.
Narekober din sa operasyon ang walong heat-sealed transparent plastic sachet na naglalaman ng puting crystalline substance ng hinihinalang shabu na tumitimbang ng higit o kulang 56 gramo na may halagang Standard Drug Price na Php380,800, dalawang cellular phone, drug paraphernalia, weighing scale, Php79,000 boodle money sa ibabaw ng tunay na Php1,000 bill na ginamit bilang buy-bust money, Php400, at black pouch.
Reklamong paglabag sa Republic Act 9165 (Comprehensive Dangerous Drugs Act of 2002 ang isasampa laban sa mga naarestong suspek.
Tiniyak ng SPD na hindi titigil sa paglaban sa ilegal na droga sa kanilang mga nasasakupang lugar upang maprotektahan ang bawat mamamayan para sa maunlad na bansa.
Source: SPD PIO
Panulat ni PSSg Remelin M Gargantos
