Rizal – Tinatayang Php379,440 halaga ng shabu ang nakumpiska sa isang High Value Individual (HVI) sa ikinasang buy-bust operation ng Binangonan PNP nito lamang Sabado, Setyembre 2, 2023.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si alyas ‘’Wendy’’, 35, residente ng Brgy. Pag-asa, Binangonan, Rizal.
Naaresto ang suspek dakong 3:15 ng madaling araw sa kahabaan ng Sitio San Jose Kambingan, Brgy. Pagasa, Binangonan, Rizal ng mga operatiba ng Binangonan Municipal Drug Enforcement Team na may koordinasyon sa Philippine Drug Enforcement Agency 4A.
Nakumpiska mula sa suspek ang 16 piraso ng pakete na naglalaman ng white crystalline substance na hinihinalang shabu na may timbang na humigit kumulang 55.8 gramo at nagkakahalaga ng Php379,440, isang kulay itim na coin purse, isang pirasong Php500 bill bilang buy-bust money at limang piraso ng recovered money na nagkakahalaga ng Php100.
Ang suspek ay nahaharap sa kasong paglabag sa Section 5 at 11 Article 2 ng Republic Act 9165 o Comprehensive Dangerous Drugs Act of 2002.
Ang Rizal PNP ay hindi titigil sa pagpuksa ng mga masasamang aktibidad partikular sa mga ilegal na droga na siyang sumisira sa kabuhayan ng mamamayan at patuloy sa pagganap ng tungkulin na magbigay ng isang maayos at ligtas na bayan.
Source: Rizal Police Provincial Office
Panulat ni Police Staff Sergeant Donabel T Dulin
