Arestado ang isang High Value Individual (HVI) sa isinagawang drug buy-bust operation ng mga tauhan ng Pasay City Police Station sa Dapitan St., corner FB Harrison St., Barangay 7 Zone 2, Pasay City bandang 6:10 ng umaga nito lamang Biyernes, Disyembre 27, 2024.
Kinilala ni Police Brigadier General Manuel J Abrugena, District Director ng Southern Police District, ang naarestong suspek na si alyas “Vic”, 23 anyos.
Nakumpiska sa isinagawang operasyon ng Pasay City Police Station Drug Enforcement Unit ang 55.6 gramo ng hinihinalang shabu na may halagang Php378,080, isang genuine Php1,000 bill kasama ang Php35,000 na boodle money na ginamit na buy-bust money.
Mahaharap sa reklamong paglabag sa Section 5, Article II ng Republic Act 9165 o kilala bilang “Comprehensive Dangerous Drugs Act of 2002” ang suspek.
Ang SPD ay nangangakong laging nakaalerto sa lahat ng oras lalo na ngayong holiday season upang matugunan ang pagpapanatili ng kaligtasan at kapayapaan sa ating bansa.
Source: SPD PIO
Panulat ni PSSg Remelin M Gargantos
