Kalaboso ang isang High Value Individual na suspek matapos mahulihan ng higit Php375,224 halaga ng hinihinalang shabu sa isinagawang buy-bust operation sa Block 4, Barangay Suba, Cebu City, noong ika-20 ng Hulyo 2024.
Kinilala ni Police Colonel Ireneo B Dalogdog, City Director, Cebu City Police Office, ang High Value Individual na suspek na si “Edgar”, 57 anyos at residente ng Sitio Lawis, Barangay Pasil, Cebu City.
Bandang 9:40 ng gabi ng ikinasa ng mga awtoridad ang buy-bust operation na nagresulta sa pagkaaresto ng suspek at pagkakumpiska ng 10 pakete ng hinihinalang shabu na may timbang na 55.18 gramo at may Standard Drug Price na Php375,224, black pouch at buy-bust money.
Samantala, ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang Cebu City PNP ay patuloy sa pagpapaigting ng kanilang kampanya na labanan ang mga sindikato ng droga at anumang uri ng kriminalidad dahil sa Bagong Pilipinas, ang gusto ng pulis, ligtas ka!.
Source: CCPO SR
Panulat ni Pat Grace Coligado
