Iloilo City – Limang drug personality ang nahuli habang Php374,000 na halaga ng shabu ang nakumpiska sa isinagawang drug buy-bust operation ng mga operatiba ng Iloilo City PNP sa Zone 5, Brgy. Boulevard Molo, Iloilo City, Lunes, ika-10 ng Hulyo 2023.
Bandang alas-10:50 ng gabi nang ilunsad ang nasabing operasyon ng pinagsanib na mga operatiba ng City Drug Enforcement Unit (CDEU) ng Iloilo City Police Office at ICPS4-SDET.
Kinilala ni Police Captain Roque Gimeno lll, Team Leader ng CDEU ang mga naarestong sina “Jinggol”, 37, High Value Individual (HVI), main subject, residente ng Zone 5 sa nasabing barangay; Lourdes, 47, SLI, residente ng Zone 3, Brgy. Boulevard Molo; Romar, SLI, 36, construction worker, residente ng Brgy. Bangga Bante, Zarraga; Kenneth, SLI, 39, traysikal driver, residente ng Brgy. San Pablo, Manapla, Negros Occidental; at Panfilo, SLI, 57, tubong Oroquita sa Misamis Occidental.
Ayon kay PCpt Gemino III, narekober sa mga drug suspek ang anim na pakete ng pinaghihinalaang shabu na may tinatayang bigat na 55 gramo.
Kabilang din sa mga narekober ang buy-bust money, isang coin purse color black, 2 units cellular phone, isang gunting, dalawang disposable lighter at pitong pirasong gamit na aluminum foil.
Nahaharap sa kasong paglabag sa Republic Act 9165 o ang Comprehensive Dangerous Drugs Act of 2002.
Pinuri ni PBGen Sidney N Villaflor, RD PRO6, ang mga operating units para sa kanilang matagumpay na operasyon kontra ilegal na droga. “Huwag po nating sayangin ang ating kinabukasan dahil sa ilegal na droga, mamuhay po tayo ng marangal na walang sinisirang pangarap, pamilya, at buhay. Magtulungan po tayo para sa ating mga kabataan, para sa kaayusan, at kapayapaan ng ating bayan tungo sa kaunlaran,” aniya.
