Laguna – Tinatayang Php374,000 halaga ng shabu ang nasabat sa ikinasang buy-bust operation ng Cabuyao PNP nito lamang Pebrero 01, 2024.
Kinilala ni Police Lieutenant Colonel John Eric Antonio, Acting Chief of Police ng Cabuyao Component City Police Station, ang suspek na si alyas “Noven”, 39, residente ng Brgy. Lalaan 2, Silang, Cavite.
Naaresto ang suspek sa Brgy. Sala, Cabuyao City, Laguna sa isinagawang buy-bust operation ng mga operatiba ng Drug Enforcement Unit ng Cabuyao Component City Police Station at nakumpiska ang isang pirasong small heat-sealed transparent plastic sachet at isang pirasong knot tie transparent plastic bag na naglalaman ng hinihinalang shabu na tumitimbang ng higit kumulang 55.00 gramo na nagkakahalaga ng Php374,000, isang unit ng Honda Click Motorcycle, isang unit ng android cellphone at isang pirasong Php1,000 bill bilang boodle money.
Nahaharap ang suspek sa kasong paglabag sa 9165 o Comprehensive Dangerous Drugs Act of 2002.
Ang Cabuyao PNP ay patuloy na paiigtingin ang kampanya laban sa mga ilegal na droga sa tulong ng mga mamamayan tungo sa kaligtasan, kaayusan at kapayapaan ng bayan.
Source: Cabuyao Component City Police Station
Panunulat ni Patrolwoman Angelica Rica Teng
