Davao Oriental – Tinatayang aabot sa Php374,000 halaga ng hinihinalang shabu ang nasabat sa isinagawang buy-bust operation ng PNP at PDEA sa Purok Kalayaan, Brgy. Central, Mati City, Davao Oriental, noong Disyembre 13, 2022.
Kinilala ni PLtCol Ernesto Gregore, Chief of Police ng Mati City Police Station, ang suspek na si alyas “Doydoy”, 28, residente ng Purok Sta. Cruz 1, Brgy. Poblacion, Baganga, Davao Oriental na kabilang sa PDEA drugs list bilang High Value Individual.
Ayon kay PLtCol Gregore, naaresto ang suspek sa isinagawang buy-bust operation ng pinagsamang tauhan ng Mati CPS katuwang ang PDEA XI.
Dagdag pa ni PLtCol Ernesto, nakuha mula sa suspek ang ilang pakete ng hinihinalang shabu na may bigat na humigit kumulang 55 gramo na may street market value na Php374,000 at marked money na ginamit sa operasyon.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002.
Pinuri naman ni PBGen Benjamin Silo Jr., PRO11 Regional Director ang nasabing operasyon dahil sa matagumpay na pagkakadakip sa suspek at ito ay resulta ng magandang ugnayan at pagmamalasakit ng mamamayan at kapulisan sa komunidad na magdadala sa kaayusan at kaunlaran ng bansa.
Panulat ni Patrolman Alfred Vergara
