Arestado ang isang High Value Individual matapos mahulihan ng kapulisan ng Php374,000 halaga ng hinihinalang shabu sa isinagawang buy-bust operation sa El Felibusterismo, Barangay Ermita, Cebu City, noong ika-2 ng Hulyo 2024.
Kinilala ni Police Majoy Philip John D Libres, Station Commander ng Police Station 5, Cebu City Police Office, ang suspek na si “Tata”, 41 anyos at residente ng Sitio Lagang Barangay Ocaña Carcar City, Cebu.
Bandang 4:20 ng madaling araw ng maikasa ng kapulisan ang naturang buy-bust operation na nagresulta sa pagkaaresto ng suspek at pagkakumpiska ng 6 plastic packs ng hinihinalang shabu na may timbang na 55 gramo at may Standard Drug Price na Php374,000, buy-bust money, black sling bag, at PNB ATM card.
Ang suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang matagumpay na operasyon ay bunga ng walang humpay na kampanya kontra ilegal na droga ng Cebu City PNP upang panatilihing ligtas at payapa ang nasasakupang komunidad tungo sa drug free na Bagong Pilipinas.
Source: CCPO SR
Panulat ni Pat Grace Coligado
