Nasabat ang tinatayang Php374,000 halaga ng shabu at arestado ang dalawang High Value Individual sa ikinasang buy-bust operation malapit sa Tres Marias Resort, Phase 5, Barangay Cutud, Angeles City nito lamang Huwebes, ika-6 ng Pebrero 2025.
Kinilala ni Police Colonel Joselito E Villarosa Jr, Acting City Director, Angeles City Police Office ang mga naarestong suspek na sina alyas “Bok” at alyas “Caloy”.
Naging matagumpay ang operasyon ng mga tauhan ng Police Station 3, katuwang ang Philippine Drug Enforcement Agency Region (PDEA) 3 sa nasabing operasyon.
Nakumpiska mula sa mga suspek ang may tinatayang bigat na 55 gramo ng hinihinalang shabu na may Standard Drug Price na Php374,000 at pati na rin ang isang Honda TMX na motorsiklo na walang plaka.
Nahaharap sa kasong paglabag sa Republic Act 9165 o “Comprehensive Dangerous Drugs Act of 2002” ang mga suspek.
Patuloy na pinalalakas ng Angeles City PNP ang kampanya laban sa ilegal na droga upang mapanatili ang kapayapaan at seguridad sa kanilang nasasakupan.
Panulat ni Pat Lixen Reyz A Saweran
