Arestado ang isang High Value individual matapos makumpiska sa kanya ang tinatayang Php374,000 halaga ng shabu sa ikinasang buy-bust operation sa Barangay Mancanhan, Carmen, Cagayan de Oro City nito lamang ika-21 ng Marso 2024.
Ang naturang operasyon ay pinangunahan ng PNP Drug Enforcement Group, katuwang ang Police Station 4 Cagayan de Oro City Police Office, Regional Drug Enforcement Unit 10, City Drug Enforcement Unit 10, Regional Intelligence Division 10 at Regional Intelligence Unit 10.
Ayon sa ulat, nagresulta ang nasabing operasyon sa pagkakahuli ni alyas ”Junel”, 27 anyos na lalaki at tinaguriang High Value Individual kung saan nakumpiska mula sa kanya ang 11 transparent plastic sachet na pinaghihinalaang shabu na may timbang na 55 gramo at may street value na Php374,000.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang Kapulisan ng Rehiyon 10 ay patuloy sa pagpapaigting sa kampanya kontra ilegal na droga, alinsunod sa prayoridad ng administrasyon na labanan at sugpuin ang ilegal na droga upang makamit ang isang drug-free na bansa.
Panulat ni Pat Sanchez
