Camarines Norte – Tinatayang Php374,000 halaga ng shabu ang nakumpiska sa isang lalaki sa ikinasang buy-bust operation ng Camarines Norte PNP sa Purok 2, Barangay Luklukan Sur, Jose Panganiban, Camarines Norte nito lamang Setyembre 20, 2022.
Kinilala ni Police Colonel Antonio C. Bilon Jr. Provincial Director ng Camarines Norte Police Provincial Office, ang suspek na si Benedicto Rogacion y Miranda alyas “Ben”, 60, binata, residente ng nabanggit na lugar at kabilang sa listahan ng Regional Recalibrated Database on Illegal Drugs ng PRO5.
Ayon kay PCol Bilon Jr., bandang 11:55 ng gabi naaresto ang suspek ng pinagsanib na mga operatiba ng Jose Panganiban Municipal Police Station, Camarines Norte Provincial Intelligence Unit, Regional Intelligence Unit, Regional Special Operation Unit 5, 501st Regional Mobile Force Battalion 5 at Camarines Norte 2nd Provincial Mobile Force Company.
Ayon pa kay PCol Bilon Jr., nakumpiska mula sa suspek ang dalawang pakete ng hinihinalang shabu na may timbang na 55 gramo at may tinatayang halaga na Php374,000.
Nahaharap ang suspek sa kasong paglabag sa RA 9165 o ang Comprehensive Dangerous Drugs Act of 2002.
Pinuri naman ni PBGen Rudolph B. Dimas, Regional Director ng PRO5 ang operating team para sa matagumpay na operasyon.
Binigyang din niya ang sama-samang pagsisikap ng PNP katuwang ang iba’t ibang ahensya at komunidad sa pagsugpo ng mga kriminalidad.
“We thank the public and our partner agencies for keeping their support and confidence to PNP Bicol. Di maikakaila na ang ating pagtutulungan at malasakit ang magiging daan para makamit ang mithiin patungo sa Kaayusan, Kapayapaan at Kaunlaran,” ani PBGen Dimas.
Source: KASUROG Bicol
Panulat ni Pat Rodel Grecia
