Navotas City — Tinatayang Php374,000 halaga ng shabu ang nakumpiska sa dalawang suspek sa buy-bust operation ng Navotas City Police Station nito lamang Linggo, Mayo 29, 2022.
Kinilala ni Northern Police District Director, Police Brigadier General Ulysses Cruz ang mga suspek na sina Jaser Marquez Pascual, 30, at Mark Anthony Casenares Hererias, 32.
Ayon kay PBGen Cruz, naaresto ang mga suspek bandang 4:30 ng madaling araw sa A.R. Cruz St., Brgy Tangos South, Navotas City ng mga operatiba ng Station Drug Enforcement Unit ng Navotas CPS.
Nakumpiska mula sa mga suspek ang pitong heat-sealed transparent plastic sachet na naglalaman ng hinihinalang shabu na tumitimbang ng 55 gramo at nagkakahalaga ng Php374,000, buy-bust money, isang maliit na notebook, isang weighing scale, isang cellphone, isang sling bag at isang kalibre .22 na baril na may tatlong bala.
Mahaharap sina Pascual at Hererias sa kasong paglabag sa RA 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Tiniyak ni PBGen Cruz na ang NPD ay patuloy na paiigtingin ang kampanya kontra ilegal na droga para sa kaligtasan ng bawat mamamayan ng kanyang nasasakupan.
Source: PCC-SI SMSREF#2205-29374
###
Panulat ni PSSg Remelin M Gargantos
