Tinatayang Php374,000 halaga ng shabu ang nakumpiska sa isang High Value Individual matapos ang isinagawang buy-bust operation ng mga operatiba ng Angeles City PNP sa Purok 4, Brgy. Pulong Maragul, Angeles City nito lamang Miyerkules, ika-13 ng Disyembre 2023.
Kinilala ni Police Colonel Amado Mendoza, City Director ng Angeles City Police Office, ang suspek na si alyas “manok”, 48 anyos, nakatira sa Brgy. Pulung Bulo, Angeles City.
Nakumpiska sa naturang operasyon ang 55 gramo na may halagang Php374,000 kabilang ang boodle money.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang pagpapaigting ng Angeles City PNP upang mapigilan ang paglaganap ng ilegal na droga sa kanilang syudad.
Source: Angeles City Police Office
Panulat ni PCpl Jeselle V Rivera
