Tacloban City – Tinatayang nasa Php374,000 halaga ng shabu nakumpiska sa dalawang drug pushers na naaresto sa buy-bust operation ng mga tauhan ng Tacloban City Police Station 3 sa Brgy. 101 New Kawayan, Tacloban City nito lamang Mayo 24, 2023.
Kinilala ni Police Captain Antonio Salas Jr., Officer-In-Charge ng Tacloban City PS-3, ang mga suspek na si alyas “Bill”, isang High Value Individual, 45, driver at si alyas “Junjun”, isang Steet Level Individual, 34, construction worker at pawang mga residente ng Lumbang 1 Brgy. 96 Calanipawan, Tacloban City.
Ayon kay PCpt Salas Jr., nakumpiska ang tinatayang nasa 55 gramo ng ilegal na droga na may street value na Php374,000.
Mahaharap ang mga suspek sa Sec.5 at 11 sa ilalim ng Article II ng R.A. 9165 o Comprehensive Dangerous Drugs Act of 2002.
Mensahe ni PCpt Salas Jr., ” Tinitiyak ng Tacloban City PNP na patuloy pang paiigtingin ang kampanya laban sa lahat ng uri ng ipinagbabawal na droga sa kanilang nasasakupan upang masiguro ang kaligtasan ng lahat at mapanatili ang kapayapaan at kaayusan sa buong komunidad”.
