Angeles City – Nakumpiska ang Php374,000 halaga ng ilegal na droga na nagresulta sa pagkakaaresto ng dalawang High Value Individual (HVI) matapos ang ikinasang Anti-Illegal Drugs Operation sa Sta Trinidad, Angeles City nito lamang Linggo, ika-3 ng Setyembre 2023.
Kinilala ni Police Colonel Amado Mendoza Jr, Officer-In-Charge ng Angeles City Police Office, ang mga suspek na sina alyas “Loyd”, 38 at alyas “Boss”, pawang mga High Value Individual at residente ng Barangay Pampanga, Angeles City.
Bandang 10:25 ng umaga nang ikinasa ang nasabing operasyon na nagresulta sa pagkakasabat ng hinihinalang shabu na may timbang na 55 gramo na nagkakahalaga ng Php374,000; isang pirasong Php1,000 pre-marked peso bill; siyam na pirasong Php1,000 bill; pitaka; at isang pulang Honda TMX side car.
Nahaharap ang dalawang suspek sa kasong paglabag sa RA 9165 o Comprehensive Dangerous Drugs Act of 2002.
Sinisiguro ng Angeles City PNP ang walang tigil sa pagsasawata at pagpapaigting ng kampanya laban sa mga gumagamit at nagbebenta ng ilegal na droga sa kanilang nasasakupan.
Source: Angeles City Police Office
Panulat ni PCpl Jeselle V Rivera
