Bukidnon – Tinatayang Php374,000 halaga ng shabu ang nakumpiska sa dalawang suspek sa isinagawang Joint Checkpoint Operation sa Purok Bangbang, Kalilangan, Bukidnon nito lamang Lunes, Agosto 29, 2022.
Kinilala ni Police Captain Merlin Macawili, Officer-In-Charge ng Kalilangan Municipal Police Station, ang dalawang naarestong suspek na sina Dondon Tangcas y Kinumpas, 21, single, estudyante, residente ng P-2, Central Poblacion, Kalilangan, Bukidnon at Monalisa Tangkal y Tauna, 48, at residente ng Membuaya, Wao, Lanao del Sur.
Ayon kay PCpt Macawili, naaresto ang mga suspek bandang 1:15 ng madaling araw ng mga operatiba ng Kalilangan Municipal Police Station; 2nd Provincial Mobile Force Company ng Bukidnon; 3rd Platoon, 1004th Maneuver Company, Regional Mobile Force Battalion 10; Provincial Intelligence Unit ng Bukidnon at Provincial Drug Enforcement Unit – Bukidnon matapos sitahin dahil walang helmet at walang maipakitang kaukulang dokumento sa kanyang minamanehong motorsiklo at bagkus student driver’s permit ang dala.
Noong kinukuha ng suspek sa kanyang kanan na bulsa ay aksidenteng nahulog ang transparent plastic sachet na pinaghihinalaang shabu kaya isinagawa ng mga awtoridad ang pat down search.
Nakumpiska sa dalawang suspek ang apat na malalaking pakete ng hinihinalang shabu na may timbang na 55 na gramo na may kabuang halagang Php374,000, color pink pouch, portable weighing scale color silver, laminated student drivers permit , isang unit touchscreen cellphone color black with black rubber case, isang relo kulay silver at gold, isang gunting, isang nail pusher, isang shoulder bag color blue, isang unit ng Kawasaki Bajaj single motorcycle kulay black with blue combination na may temporary plate no.1020-0721.
Ang mga suspek ay mahaharap sa kasong paglabag sa RA 9165 o ang Comprehensive Dangerous Drugs Act of 2002.
Ang Bukidnon PNP ay patuloy ang kampanya laban sa ilegal na droga upang mapanatiling ligtas at tahimik ang komunidad.
Panulat Patrolman Joshua Fajardo/RPCADU 10
