Timbog sa ikinasang buy-bust operation ng Taguig City Police Station ang isang High Value Individual (HVI) at nakumpiska ang malaking halaga ng iligal na droga nito lamang Martes, Enero 21, 2025, sa Barangay Ususan, Taguig City.
Kinilala ni Police Brigadier General Manuel J. Abrugena, District Director ng Southern Police District (SPD), ang suspek na si alyas “Rogel,” isang 46 anyos na tricycle driver at residente ng Taguig City.
Mabilis na nadakip ang suspek sa pangunguna ng Taguig Station Drug Enforcement Unit (SDEU), sa tulong ng Philippine Drug Enforcement Agency (PDEA), na nagresulta sa pagkakasamsam ng limang heat-sealed transparent plastic sachets at isang knot-tied plastic pouch na may kabuuang bigat na 54.6 gramo at may Standard Drug Price na Php371,280, isang pirasong Php500 bill na ginamit bilang buy-bust money; anim na piraso ng Php1,000 boodle money; at isang asul na lagayan ng pabango.
Mahaharap sa kasong paglabag sa Republic Act 9165, na kilala rin bilang “Comprehensive Dangerous Drugs Act of 2002” ang suspek.
Ang Southern Police District ay nananatiling matatag sa misyon na maghatid ng hustisya, itaguyod ang kaligtasan ng publiko, at lumikha ng isang kapaligirang walang droga para sa komunidad. Ang matagumpay na operasyong ito ay isa pang milestone sa patuloy na kampanya para labanan ang salot ng iligal na droga.
Source: SPD PIO
Panulat ni PSSg Remelin M Gargantos
