Nasabat ng mga miyembro ng Talomo Police Station ang tinatayang Php368,356 halaga ng hinihinalang shabu nito lamang ika-25 ng Hulyo, 2024 sa Purok 10-A, Moryo-Moryo, Km 8.5, Matina Pangi, Davao City.
Kinilala ni Police Major Genesis P Oriel, Acting Station Commander ng Talomo Police Station, ang suspek na si alyas “Arnel”, 33 anyos at residente ng nasabing lugar.
Ang suspek ay naaresto ng pinagsanib na puwersa ng Talomo Police Station at RPDEU 11 matapos marekober mula sa suspek ang humigit kumulang 54.17 gramo ng hinihinalang shabu na nagkakahalaga ng Php368,356.
Kasong paglabag sa Republic Act 9165 o Comprehensive Dangerous Drugs Act of 2002 ang kinakaharap ng suspek.
Patuloy naman ang kampanya kontra kriminalidad ng Police Regional Office 11 sa pamumuno ni Police Brigadier General Nicolas D Torre III upang mapanagot ang lahat ng lumalabag sa batas.
Panulat ni Patrolwoman Shairra Rose A Aquino
