Rizal – Tinatayang Php365,700 halaga ng shabu, baril at mga bala ang nakumpiska mula sa isang High Value Individual (HVI) sa ikinasang buy-bust operation ng Antipolo City PNP nito lamang Martes, Nobyembre 13, 2023.
Kinilala ni Police Colonel Felipe Maraggun, Provincial Director ng Rizal Police Provincial Office, ang suspek na si alyas “Leo’’, pahinante, tubong Antipololo City, Rizal at nakalista bilang High Value Individual (HVI).
Naaresto ang suspek bandang magtakipsilim ng gabi sa Sitio Kalye Putol, Brgy San Jose, Antipolo City, Rizal ng mga tauhan ng Antipolo Component City Police Station at nakumpiska ang isang paketeng transparent plastic sachet at malaking nakataling supot na naglalaman ng hinihinalang shabu na may kabuuang bigat na humigit kumulang 53 gramo na nagkakahalaga ng Php365,700, isang pirasong Php1,000 bill (buy-bust money), isang cal. 38 revolver, anim na bala at isang itim na sling bag.
Ang suspek ay nahaharap sa kasong paglabag sa Republic Act 9165 o Comprehensive Dangerous Drugs Act of 2002 at R.A 10591 o Firearms Law.
‘’Sa mas pinaigting na kampanya laban sa pinagbabawal na gamot na patuloy na sumisira sa mga pamilya, katuwang ang mga iba’t ibang sektor ng lipunan at lokal na pamahalaan ay sama-sama po natin itong labanan upang mapigilan ang paglaganap nito,” pahayag ni PCol Maraggun.
Source: Rizal Police Provincial Office
Panulat ni Police Staff Sergeant Donabel T Dulin
