Nasabat sa isinagawang joint buy-bust operation ng mga awtoridad ang tinatayang Php361,400 mula sa isang High Value Individual nito lamang Oktubre 16, 2024 sa McArthur Highway Road, Barangay Sirawan, Toril, Davao City.
Kinilala ni Police Major Vincent Ignacio Follante, Acting Station Commander ng Tugbok Police Station, ang suspek na si alyas “Jhonmar”, 38 anyos at residente ng Phase 2, Batulosa, Barangay Bangkas Heights, Toril, Davao City.
Ang suspek ay naaresto naman sa pinagsanib na puwersa ng PDEA 11 Regional Special Enforcement Team, katuwang ang nasabing istasyon at NBI XI South Eastern Mindanao Office.
Narekober naman mula sa suspek ang humigit kumulang 54 na gramo ng hinihinalang shabu na may tinatayang halaga na Php361,400.
Mahaharap sa kasong paglabag sa Republic Act 9165 o “Comprehensive Dangerous Drugs Act of 2002” ang suspek.
Samantala, tuloy-tuloy pa rin ang mga isinasagawang operasyon ng mga tauhan ng Police Regional Office 11 upang mapanagot ang lahat ng lumalabag sa batas para mapanatili ang kaayusan tungo sa kaunlaran ng ating bayan.
Panulat ni Patrolwoman Shairra Rose A Aquino
