Timbog ang tatlong indibidwal at nakumpiska ang tinatayang Php36.7 milyong halaga ng smuggled cigarettes sa ikinasang operasyon ng mga awtoridad sa Lig Marine Port, Barangay Campo Islam, Zamboanga City bandang 6:30 ng gabi nito lamang Mayo 2, 2025.
Kinilala ni Polie Brigadier General Roel C Rodolfo, Regional Director ng Police Regional Office 9, ang mga suspek na sina alyas “Eding”, 54 anyos, may asawa, residente ng Barangay Lamion, Bongao, Tawi-Tawi, nagmamaneho ng motorboat; alyas “Alwijar”, 33 anyos, binata, residente ng Barangay Kawasan, Panamao, Sulu Province; at alyas “Basar”, 35 anyos, binata, residente ng Barangay Bulaingsi, Panamao, Sulu Province.
Nakatanggap ng impormasyon ang pulisya mula sa isang impormante tungkol sa isang ‘langsta’ motorboat na magdadala ng mga kontrabandong sigarilyo at namataan ang isang kulay berde at puting ‘langsta’ motorboat na may nakasulat na M/L J-MINDA.
Naaktuhan ang mga suspek na nagbababa ng mga sigarilyo, na nagresulta sa kanilang agarang pagkahuli at pagkakasamsam ng 642 kahon ng mga sigarilyo na tinatayang nagkakahalaga ng Php36,786,600.
Naging matagumpay ang operasyon dahil sa pagsisikap ng PNP Criminal Investigation and Detection Group, Zamboanga City Police Station 11, City Mobile Police Unit (CMPU), Coast Guard Station Zamboanga Boarding Team, CGIS-SWM/BARMM (PCG), at Regional Maritime Unit 9.
This successful operation is a clear demonstration of our unwavering commitment to protect our borders and uphold the rule of law. We will never allow Zamboanga Peninsula to become a transit point of any criminal activity. To those who persist in defying the law—we are watching, we are prepared, and we will act,” ani PBGen Rodolfo.
