Nakumpiska ang tinatayang Php351,764 halaga ng ilegal na droga sa naarestong High Value Individual sa ikinasang buy-bust operation ng mga operatiba sa Purok 8, Barangay Linao, Ormoc City nito lamang ika-26 ng Mayo 2024.
Kinilala ni Police Captain Jefferson Q Barrios, Officer-In-Charge ng Ormoc City Police Station 6, ang suspek na si alyas “Angel Nyer”, 27 anyos, delivery boy at residente ng Purok 10, Barangay Linao, Ormoc City.
Ayon kay PCpt Barrios, dakong 1:15 ng madaling araw isinagawa ang operasyon ng Ormoc City Police Station 6-Station Drug Enforcement Team kasama ang Ormoc City PS 4, Ormoc City PS 3, Ormoc City PS 2, Ormoc City PS 1, Ormoc City Police Office-City Drug Enforcement Unit at sa koordinasyon ng Philippine Drug Enforcement Agency 8.
Nakumpiska mula sa suspek ang apat na heat-sealed plastic sachet na naglalaman ng hinihinalang shabu na may timbang na humigit kumulang 51.73 gramo na nagkakahalaga ng Php351,764 at drug bust money.
Nahaharap ang suspek sa kasong paglabag sa Republic Act 9165 o ang Comprehensive Dangerous Drugs Act of 2002.
Ang kapulisan ng Rehiyon Otso ay patuloy sa pagsasagawa ng mga operasyon laban sa ilegal na droga at anumang uri ng kriminalidad sa tulong na rin ng iba pang ahensya ng gobyerno upang mapanatili ang payapa at maayos na komunidad tungo sa layunin ng ating Pangulong Ferdinand R. Marcos Jr. na Bagong Pilipinas.
Panulat ni Patrolwoman Sherie-ann Masi
