Benguet – Tinatayang Php350,000 halaga ng marijuana plants ang binunot at sinunog ng mga awtoridad sa isinagawang marijuana eradication sa Sitio Bana, Tacadang, Kibungan, Benguet nito lamang ika-18 ng Nobyembre 2023.
Ayon kay Police Colonel Damian Olsim, Provincial Director ng Benguet Police Provincial Office, matagumpay ang isinagawang operasyon ng mga operatiba ng Kibungan Municipal Police Station, Benguet 1st Provincial Mobile Force Company, PDEU/PIU, Benguet Police Provincial Office, at PDEA-CAR na nagresulta sa pagkakadiskubre ng dalawang plantasyon na may 1,750 piraso ng fully-grown marijuana plants na may kabuuang sukat ng lupain na 350 square meters na may Standard Drug Prize na Php350,000.
Bagamat, walang nahuling marijuana cultivator, kaagad namang binunot at sinunog ng mga operatiba ang mga nadiskubreng marijuana.
Ang matagumpay na operasyon ng Benguet PNP ay isa lamang resulta ng walang tigil at mas pinaigting na kampanya kontra sa ilegal na droga.
