Muntinlupa City — Umabot sa Php346,800 halaga ng shabu ang nasabat sa isang lalaking suspek sa isinagawang buy-bust operation ng Muntinlupa City Police Station nito lamang Miyerkules, ika-16 ng Nobyembre 2022.
Kinilala ni PBGen Kirby John Kraft, District Director ng SPD, ang suspek na si alyas “John”, 29 taong gulang.
Ayon kay PBGen Kraft, bandang 9:55 ng gabi nang maaresto si “John” ng mga tauhan ng Intelligence Section at nang Sucat Substation ng Muntinlupa CPS sa kahabaan ng Purok 1, Brgy. Cupang, Muntinlupa City.
Narekober ng mga awtoridad sa suspek ang isang heat-sealed at isang knot-tied na transparent plastic sachet na naglalaman ng hinihinalang shabu na may bigat na humigit-kumulang 51 gramo at may Standard Drug Price na Php346,800, at isang white/purple coin purse.
Reklamong paglabag sa Section 11 Article II ng RA 9165 o Comprehensive Dangerous Drugs Act of 2002 ang kahaharapin ng suspek.
Ang pagiging masigasig ng Southern Police District sa pagtupad ng kanilang mga tungkulin upang masupil ang mga indibidwal na patuloy na gumagamit ng ilegal na droga ay bunga ng pinalakas na suporta ng mamamayan para sa ligtas, tahimik at maunlad na komunidad.
Source: SPD PIO
Panulat ni PSSg Remelin M Gargantos
