Cebu City – Tinatayang Php346,000 halaga ng hinihinalang shabu ang nakumpiska ng mga operatiba ng Cebu City PNP sa isinagawang buy-bust operation sa Sitio Lomboy, Brgy. Guadalupe, Cebu City nito lamang madaling araw ng Huwebes, ika-20 ng Oktubre 2022.
Kinilala ni Police Colonel Ireneo B Dalogdog, City Director ng Cebu City Police Office, ang suspek na si Carlo Enriquez Alegarbes, 27, residente ng Sitio San Pedro, Brgy. Tisa, Cebu City.
Ayon kay PCol Dalogdog, naaresto ang suspek bandang 1:30 ng madaling araw ng mga operatiba ng Station Drug Enforcement Unit (SDEU) ng Police Station 9, Cebu City Police Office.
Nakuha sa naturang suspek ang nasa 51 na gramo ng hinihinalang shabu na may Standard Drug Price na Php346,800, isang green pouch na ginamit bilang lagayan ng droga at buy-bust money.
Nahaharap ang suspek sa kasong paglabag sa Section 5 at 11, Article II ng RA 9165 o ang Comprehensive Dangerous Drugs Act of 2002.
Patuloy na sinisikap ng Cebu City Police Office na masugpo ang mga ilegal na droga sa naturang lungsod upang makamit ang isang layunin na maayos, payapa at maunlad na pamayanan.
