Timbog ang dalawang High Value Individual at nasabat ang tinatayang Php346,800 halaga ng shabu sa isinagawang buy-bust operation ng Northern Police District sa Barangay 176, Caloocan City bandang 3:44 ng madaling araw nito lamang Miyerkules, Abril 2, 2025.
Pinangunahan ni Police Lieutenant Colonel Timothy B Aniway, Jr., Team Leader ng NPD District Drug Enforcement Unit (DDEU) at sa pakikipag-ugnayan sa Philippine Drug Enforcement Agency (PDEA), ang naturang operasyon na nagresulta sa pagkakaaresto ng dalawang suspek.
Kinilala ang mga suspek bilang sina alyas “Edd”, 48 anyos, lalaki, binata, isang construction worker, at si alyas “Aneng”, 61 anyos, babae, walang asawa, parehong residente ng Caloocan City.
Nakumpiska sa naturang operasyon ang 51 gramo ng hinihinalang shabu at iba pang non-drug items.
Nahaharap ang mga naarestong suspek sa kasong paglabag sa Sections 5 (Sale) kaugnay ng Section 26 (Conspiracy) at Section 11 (Possession of Dangerous Drugs) ng Article II ng Republic Act 9165 o ang “Comprehensive Dangerous Drugs Act of 2002”.
Muling nananawagan ang NPD sa publiko na maging mapagmatyag at agad iulat ang anumang kahina-hinalang aktibidad upang makatulong sa pagsugpo ng ilegal na droga. Sama-sama nating itaguyod ang isang ligtas at malinis na komunidad.
Source: NPD PIO
