Makati City — Arestado ang isang delivery rider at isa pa matapos mahulihan ng tinatayang Php346,800 halaga ng umano’y shabu sa isinagawang buy-bust operation ng Makati City SDEU at Guadalupe Substation 7 nito lamang Sabado, Agosto 5, 2023.
Kinilala ni Police Brigadier General Roderick Mariano, District Director ng Southern Police District, ang mga suspek na sina alyas “Toper”, 26, delivery rider; at alyas “Pat”, 27.
Dakong alas-12:15 ng madaling araw nahuli ang mga suspek sa kahabaan ng Baryo Visaya St., Brgy Guadalupe Nuevo, Makati City.
Nakumpiska mula sa mga suspek ang isang knot-tied transparent plastic na naglalaman ng hinihinalang shabu na tumitimbang ng 51 gramo, isang remote key, Php1,000 bill na ginamit bilang buy-bust money, isang coin purse at isang itim na Honda PCX.
Kasalukuyang nakakulong ang mga naarestong suspek sa Station Custodial Facility sa Makati City, habang inihahanda ang mga reklamo sa paglabag sa Section 5 at 11 ng RA 9165.
“Ang drug-bust na ito ay lubos na nagpapakita ng sigasig at pangako ng Southern Police District sa paglaban sa ilegal na droga”, ani PBGen Mariano.
Source: SPD PIO
Panulat ni PSSg Remelin M Gargantos
