Camarines Norte – Tinatayang Php345,000 halaga ng ilegal na droga ang nakumpiska sa isang lalaki na kabilang sa listahan ng High Value Individual on Illegal Drugs sa inilunsad na buy-bust operation ng Camarines Norte PNP sa Purok 1, Barangay Camambugan, Daet, Camarines Norte nito lamang Marso 2, 2023.
Kinilala ni PLtCol Arnel D De Jesus, Hepe ng Daet MPS ang suspek na si alyas “Iking”, 41, may asawa, Tricycle driver at residente ng Purok 2, Barangay Bulhao, Labo, Camarines Norte.
Ayon kay PLtCol De Jesus, bandang 6:05 ng gabi ng isinagawa ang operasyon ng pinagsanib na mga operatiba ng Daet Municipal Police Station, Camarines Norte Provincial Intelligence Unit (CNPIU) at PNP Drug Enforcement Group-Camarines Norte (PDEG) sa pakikipag-ugnayan sa PDEA RO5.
Nakumpiska mula sa suspek ang dalawang (2) piraso ng transparent plastic sachet na naglalaman ng hinihinalang shabu na may tinatayang timbang na 50 gramo at may street value na Php345,000.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Patuloy ang Camarines Norte PNP sa pagsasagawa ng mga operasyon kontra ilegal na droga upang mapanatili ang kaligtasan ng bawat mamamayan at maging drug free ang lalawigan mula sa ipinagbabawal na droga na sumisira sa buhay ng ating mga kababayan.
Source: Camarines Norte PPO
