Arestado ang isang High Value Individual at tatlong Newly Identified Drug Suspect sa isinagawang joint buy-bust operation ng Provincial Drug Enforcement Unit, Bukidnon Provincial Intelligence Unit, Task Force Kalinaw katuwang ang mga Valencia City Police Station sa Barangay Lourdes, Valencia City, Bukidnon nito lamang ika-14 ng Marso 2025.
Kinilala ni Police Lieutenant Colonel Bryan M Panganiban, Officer-In-Charge ng Valencia CPS, ang suspek na si alyas “Lolong”, lalake, 32 anyos, isang High Value Individual at kasama ang tatlo pang Newly Identified Drug Suspect.
Sa ikinasang joint buy-bust operation na nauwi sa armadong komprontasyon ay nagresulta sa pagkasugat ng isang drug suspect at dinala agad sa malapit na hospital.
Nakumpiska sa mga suspek ang Php345,144 halaga ng hinihinalang shabu; isang caliber .45 COLT pistol; isang caliber .45 steel magazine; tatlong .45 cartridges at isang caliber .22 Squires Bingham Rifle at iba pang mga non-drug items.
Ang mga suspek ay nahaharap sa kasong paglabag sa Republic Act 9165 o “Comprehensive Dangerous Drugs Act of 2002” at R.A. 10591 o “Comprehensive Firearms and Ammunition Regulation Act”.
Patuloy ang Northern Mindanao PNP sa pagtupad ng kanilang tungkulin sa pagpuksa ng mapanganib na iligal na droga at iba pang mga krimen upang mapanatiling ligtas at payapa ang pamayanan.
