Nasakote ng Cebu City PNP ang Php340,000 halaga ng shabu sa naarestong High Value Individual sa isinagawang buy-bust operation sa Sitio Manga, Barangay Tisa, Cebu City, noong ika-20 ng Mayo 2024.
Kinilala ni Police Lieutenant Colonel R Araquil Guardaya, hepe ng City Intelligence Unit / City Drug Enforcement Unit, Cebu City Police Office, ang High Value Individual na suspek na si “Orlan”, 29 anyos at residente ng Lourdes Village, Barangay Punta Princesa, Cebu City.
Bandang 3:30 ng hapon ng ikinasa ng pulisya ang buy-bust operation na nagresulta sa pagkakaaresto ng suspek at pagkasabat ng limang plastic sachets at dalawang plastic packs ng hinihinalang shabu na may timbang na 50 gramo na may Standard Drug Price na Php340,000, black pouch at buy-bust money.
Mahaharap ang suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang kapulisan ng Cebu City ay patuloy na nagsusumikap na mas paigtingin pa ang kampanya laban sa ilegal na droga at anumang uri ng kriminalidad dahil sa Bagong Pilipinas, gusto ng pulis, ligtas ka!.
Source: CCPO SR
Panulat ni Pat Grace P Coligado
