Valenzuela City — Tinatayang Php340K halaga ng shabu ang nasabat sa isang lalaki na tinaguriang High Value Individual sa isinagawang buy-bust operation ng NPD at PDEA nito lamang Sabado, Disyembre 3, 2022.
Kinilala ni Police Colonel Ponce Rogelio Peñones Jr, Acting District Director ng Northern Police District, ang suspek na si alyas “Iyang”, 37, miyembro ng Danny Castro Criminal Group at residente ng Northville 2, Barangay Bignay, Valenzuela City.
Ayon kay PCol Peñones Jr, bandang 12:48 ng madaling araw ay naaresto ang suspek sa Northville 2, Barangay Bignay, Valenzuela City ng mga operatiba ng District Drug Enforcement Unit (DDEU) ng NPD kasama ang PDEA.
Nakumpiska sa suspek ang isang medium sized heat-sealed transparent plastic sachet at isang knot-tied transparent plastic bag na pinaghihinalaang Methamphetamine Hydrochloride o shabu na humigit kumulang 50 gramo at nagkakahalaga ng Php340,000, isang Php500, at pitong Php1,000 na ginamit bilang buy-bust money.
Mahaharap si alyas “Iyang” sa kasong paglabag sa RA 9165 o Comprehensive Dangerous Drugs Act of 2002.
Ang Pambansang Pulisya ay patuloy na paiigtingin ang kampanya kontra ilegal na droga at anumang kriminalidad upang makamit ang kaligtasan at kapayapaan sa ating lipunan.
Source: NPD PIO
Panulat ni PSSg Remelin M Gargantos
