Butuan City – Tinatayang nasa Php340,000 halaga ng shabu ang nakumpiska sa isang High Value Individual (HVI) sa ikinasang buy-bust operation ng Butuan PNP at Philippine Drug Enforcement Agency (PDEA) sa harapan ng Dotties Hotel, J.C. Aquino Avenue, Brgy. Bayanihan, Butuan City nito lamang Miyerkules, Agosto 3, 2022.
Kinilala ni Police Brigadier General Romeo Caramat Jr, Regional Director ng Police Regional Office 13, ang suspek na si Marferr Jay Bantilan, 26, residente ng Purok 9A, Emenville, Brgy. Ambago, Butuan City.
Ayon kay PBGen Caramat, bandang 4:00 ng hapon nang isagawa ang operasyon sa naturang lugar ng mga operatiba ng PDEA-Agusan del Sur Provincial Office, Agusan del Norte Police Provincial Office, Butuan City Police Office-Station 3 at Special Weapons and Tactics (SWAT) ng Butuan City Mobile Force Company.
Nakumpiska mula kay Bantilan ang tatlong pirasong heat-sealed transparent plastic sachets na naglalaman ng hinihinalang shabu na may timbang na 50 gramo at tinatayang nagkakahalaga ng Php340,000, isang pirasong violet chocolate wrapper, isang unit ng black Oppo android phone, isang unit ng blue-green Infinix android phone at Php1,650 bill, isang pirasong Php1,000 bill na ginamit bilang buy-bust money.
Nahaharap ang suspek sa kasong paglabag sa Sec. 5 at 11, Article II ng RA 9165 o Comprehensive Dangerous Drugs Act of 2002.
Patuloy ang PNP at PDEA sa pagsasagawa ng operasyon kontra ilegal na droga na siyang puno’t dulo ng karahasan sa ating pamayanan.
###
Panulat ni Patrolman Jhunel Cadapan/RPCADU13
