Zamboanga City – Tinatayang Php340,000 halaga ng shabu ang nasabat sa isang suspek sa ikinasang PNP buy-bust operation nito lamang Biyernes, Disyembre 2, 2022.
Kinilala Police Lieutenant Colonel Van Froilan Tompong, Officer-In-Charge, Regional Drugs Enforcement Unit 9, ang suspek na alyas “Al”, 42, may asawa at residente ng Brgy. Baliwasan, Tabuk, Zamboanga City.
Ayon kay PLtCol Tompong, bandang alas-2:00 ng hapon nang mahuli ang suspek sa Timex Subd., Brgy. Baliwasan, Zamboanga City ng mga operatiba ng Regional Drug Enforcement Unit 9 at 904th Regional Mobile Force Battalion 9.
Nakumpiska sa suspek ang isang buhol ng transparent plastic sachet na naglalaman ng hinihinalang shabu na may timbang na 50 gramo at nagkakahalaga ng Php340,000, isang pirasong Php1,000 bill na ginamit bilang buy-bust money at coin purse.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang PNP ay patuloy na paiigtingin ang kampanya kontra ilegal na droga at kriminalidad para sa mas mapayapa at ligtas na kumonidad.
Panulat ni Patrolman John Ronald Tumonong/RPCADU 9
