Mandaue City, Cebu – Tinatayang nasa Php340,000 halaga ng shabu ang nasabat ng mga tauhan ng Mandaue City PNP sa isinagawang buy-bust operation nito lamang Sabado, Hunyo 4, 2022.
Kinilala ni Police Colonel Roland Bulalacao, City Director ng Mandaue City Police Office ang suspek na si Bladimer Sugayno Dosdos alias “Ad-ad”, 24, residente ng Sitio San Roque, Brgy. Lorega, Cebu City.
Ayon kay PCol Bulalacao, naaresto ang suspek bandang 11:15 ng gabi sa Purok Tambis, Sitio Laray, Brgy. Umapad, Mandaue City ng mga operatiba ng City Intelligence Unit at City Drug Enforcement Unit, Mandaue City Police Office.
Ayon pa kay PCol Bulalacao, nakuha kay Dosdos ang mahigit kumulang 50 gramo ng hinihinalang shabu na may tinatayang halaga na Php340,000.
Mahaharap ang suspek sa kasong paglabag sa RA 9165 o ang Comprehensive Dangerous Drugs Act of 2002.
Patuloy na papaigtingin at ipapatupad ng Pambansang Pulisya ang Mandatong nakaatang sa balikat nito upang sa kagustuhan na mabigyan at mapanatili ang kaligtasan ng ating mga kababayan mula sa ano mang uri ng kriminalidad.
###
Panulat ni Patrolman Aivan Guisadio
