Rosario, La Union – Arestado ang dalawang suspek matapos makuhanan ng Php340,000 halaga ng shabu sa PNP buy-bust operation nito lamang Lunes, Hunyo 06, 2022.
Kinilala ni Police Lieutenant Colonel Michael Datuin, Chief, RPDEU1 ang suspek na sina Juvy Ballesteros y Carolino, 38, residente ng Brgy. San Vicente, Asingan, Pangasinan at Francis Barbosa y Vergara, 42, na residente naman ng San Ramon, Manaoag, Pangasinan.
Ayon kay PLtCol Datuin, naaresto ang mga suspek sa Brgy. Alipang, Rosario, La Union ng mga operatiba ng RPDEU1, Rosario Municipal Police Station, Regional Intelligence Division, Provincial Drugs Enforcement Unit La Union Provincial Police Office, at Philippine Drug Enforcement Agency La Union Provincial Office.
Dagdag pa ni PLtCol Datuin, nakumpiska sa mga suspek ang isang malaking pakete ng hinihinalang shabu na tinatayang may bigat na 50 gramo na may Standard Drug Price na Php340,000.
Nahaharap ngayon ang mga suspek sa kasong paglabag sa Republic Act 9165 o Comprehensive Dangerous Drugs Act of 2002.
Ang tagumpay ng PNP sa kampanya nito laban sa ilegal na droga at kriminalidad ay bunga ng pakikipagtulungan at pakikiisa ng mamamayan sa kapulisan.
Source: Police Regional Drug Enforcement Unit 1
###
Panulat ni Patrolman Joshua A Jimenez
