Talisay City, Cebu – Nakumpiska ang tinatayang nasa Php340,000 halaga ng shabu sa dalawang suspek na naaresto sa buy-bust operation na ikinasa ng mga otoridad sa Brgy. Tabunok, Talisay City nito lamang Lunes, ika-30 ng Mayo 2022.
Kinilala ng Chief of Police ng Talisay City Police Station, Police Lieutenant Colonel Randy Caballes ang mga suspek na sina Joas Guarino, 25 at April Sigamata, 31.
Ayon kay Police Lieutenant Colonel Caballes, si Guarino ay kabilang sa mga High Value Individual, samantalang si Sigmata ay nakapaloob sa Street Level Individual ng naturang lungsod.
Ayon pa kay Police Lieutenant Colonel Caballes, nadakip ang mga suspek ganap na 10:51 ng gabi sa operasyon ng mga miyembro ng Talisay City Police Office ng Cebu Provincial Police Office.
Dagdag pa ni Police Lieutenant Colonel Caballes, nakuha mula sa naturang operasyon ang nasa 50 gramo ng hinihinalang shabu na may tinatayang Standard Drug Price na Php340,000, isang pouch, at buy-bust money.
Nahaharap ang mga suspek sa paglabag sa RA 9165 o ang Comprehensive Dangerous Drugs Act of 2002.
Ang patuloy na tagumpay na nakakamit ng PNP sa kampanya laban sa ilegal na droga maging sa iba pang uri ng kriminalidad ay patunay sa kanilang maayos at mabuting pamamaraan upang makamtan ang adhikaing ligtas at mapayapang pamayanan.
###
