Nasabat sa isang drug suspek ang Php340,000 na halaga ng shabu sa isinagawang buy-bust operation ng Tagbilaran City PNP sa Aumentado St., Brgy. Cogon, Tagbilaran City, Bohol nito lamang Miyerkules, Enero 10, 2023.
Kinilala ni Police Lieutenant Colonel Homobuno Sayon, Chief of Police ng Tagbilaran City Police Office, ang High Value Individual (HVI) na si Charlie, 36, residente ng Sitio Hontanosas, Brgy. Poblacion III, Tagbilaran City, Bohol.
Nakuha mula sa suspek ang 50 na gramo na pinaniniwalaang shabu na may Standard Drug Price na Php340,000, isang SSS ID, isang unit Vivo cellphone, sling bag at buy-bust money.
Ang pagkakadakip sa suspek ay bunga ng matiyagang pagsubaybay ng mga tauhan ng City Drug Enforcement Unit, at Provincial Intelligence Unit ng Tagbilaran City Police Office (TCPO) sa kanyang mga ilegal na aktibidad.
Nahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang Tagbilaran City PNP ay patuloy na pangangalagaan ang kapakanan ng bawat mamamayan upang mapanatili ang kaayusan at kapayapaan ng kanilang nasasakupan.
Panulat ni Patrolwoman Grace P Coligado
