San Pedro City, Laguna – Tinatayang Php340,000 halaga ng shabu ang nasabat sa buy-bust operation ng San Pedro PNP nito lamang Martes, Agosto 23, 2022.
Kinilala ni Police Lieutenant Colonel Victor Ben Aclan, Officer-In-Charge ng San Pedro City Police Station, ang suspek na si Hasim Abdula y Anas, 31, residente ng B24 L1 Filinvest, Brgy. Tubigan, Biñan City, Laguna.
Ayon kay PLtCol Aclan, bandang 2:16 ng umaga naaresto ang suspek sa Pacita Complex, Brgy. Nueva, San Pedro City, Laguna ng mga operatiba ng Drug Enforcement Team ng San Pedro City Police Station.
Narekober sa suspek ang 10 pirasong heat-sealed plastic sachets na naglalaman ng hinihinalang shabu na may timbang na 50 gramo na tinatayang nagkakahalaga ng Php340,000, isang coin purse, dalawang pirasong Php1,000 bill na ginamit bilang buy-bust money, at dalawang pirasong Php1,000 bill na ginamit bilang drug money.
Nahaharap ang suspek sa kasong paglabag sa Article II section 5 at 11 ng Republic Act 9165 o Comprehensive Dangerous Drug Act of 2002.
Ang PNP ay patuloy na paiigtingin ang kampanya laban sa ilegal na droga at iba pang krimen upang mapanatiling maayos at ligtas ang komunidad.
###
Panulat ni Police Executive Master Sergeant Joe Peter Cabugon
