Agusan del Sur – Tinatayang nasa Php340,000 halaga ng shabu ang nakumpiska sa isinagawang Buy-Bust Operation ng Philippine Drug Enforcement Agency (PDEA)at San Francisco PNP sa Purok 7, Brgy. Mate, San Francisco, Agusan del Sur na nito lamang Agosto 19, 2022.
Kinilala ni Police Brigadier General Romeo Caramat Jr, Regional Director ng Police Regional Office 13, ang dalawang naaresto na sina Andres Anora, residente ng Purok-7, Brgy. Mate, San Francisco, Agusan del Sur at si Cherry Plaza, 21, residente ng Brgy. Sta Cruz, Rosario, Agusan del Sur.
Ayon kay PBGen Caramat Jr, bandang 12:40 ng hating-gabi nang isagawa ang operasyon sa naturang lugar ng mga tauhan ng PDEA-Regional Office 13 at San Francisco Municipal Police Station.
Nakumpiska sa dalawang suspek ang apat na pirasong heat-sealed transparent plastic sachets na naglalaman ng 50-gramo ng hinihinalang shabu na tinatayang nagkakahalaga ng Php340,000; mga folded aluminum foil strips; isang pirasong disposable lighter; isang Techno Spark android cellphone; isang pirasong Php1,000 bill na ginamit bilang buy-bust money; 29 pirasong Php1,000 bill bilang boodle money at Driver’s License na pagmamay-ari ni Anora.
Nahaharap ang dalawang suspek sa kasong paglabag sa Sec.5 at 11, Art II ng RA9165 o Comprehensive of Dangerous Drugs Act of 2002.
Patuloy ang pagtutulungan ng PNP at PDEA na sugpuin ang ilegal na droga at tinitiyak na papanagutin ang sinumang sangkot upang makaiwas sa anumang krimen ang komunidad.
###
Panulat ni Patrolman Jhunel Cadapan/RPCADU13
