Tinatayang Php340,000 halaga ng shabu ang nasabat sa tatlong suspek sa buy-bust operation ng Caloocan City PNP nito lamang Huwebes, June 16, 2022.
Kinilala ni Northern Police District Director, Police Brigadier General Ulysses Cruz, ang mga suspek na sina Kimberly Fernandez alyas “Kim”, 41; Lowell Cortez alyas “Oweng”, 22; at Maynard Chico alyas “Maynard,” 35 na pawang residente sa Caloocan City.
Ayon kay PBGen Cruz, bandang alas 3:15 ng madaling araw ng maaresto ang tatlo sa kahabaan ng Barangay 8 sa Caloocan City ng mga operatiba ng Caloocan City Police Station.
Ayon pa kay PBGen Cruz, narekober kay Cortez ang isang pirasong medium heat-sealed plastic sachet at isang pirasong knot-tied transparent plastic bag na parehong pinapaniwalaang shabu na nagsilbing object of sale at humigit kumulang 50 grams; 14 pirasong Php500 na nagsilbi namang buy-bust money; isang unit ng caliber .38 revolver (walang serial number) na may kasamang dalawa live ammunitions at isang belt bag color brown.
Samantala, narekober naman kay Chico ang tatlong pirasong medium heat-sealed transparent plastic sachet na naglalaman ng dried leaves at fruiting tops na pinapaniwalaang marijuana na may bigat na 6 gramo at may halagang Php720.
Sinampahan ang mga suspek ng paglabag sa RA 9165 o Comprehensive Dangerous Drugs Act of 2002 at RA 10591 o Comprehensive Firearms and Ammunition Regulation Act.
Tiniyak naman ni PBGen Cruz na pananatilihin ng Northern Police District ang kanilang pinaigting na laban kontra ilegal na droga upang masawata pa ang iba pang sangkot dito.
Source: NPD PIO-Pat Salayon
###
