Cebu City – Tinatayang nasa 50 gramo ng shabu na nagkakahalaga ng Php340,000 ang nakumpiska ng kapulisan mula sa isang tulak ng droga sa ikinasang buy-bust operation sa Spolarium St., Brgy. Duljo Fatima, Cebu City noong Huwebes, Abril 13, 2023.
Ayon kay Police Colonel Ireneo Dalogdog, City Director ng Cebu City Police Office, dakong alas-5:10 ng hapon nang arestuhin ng mga operatiba ng City Intelligence Unit at City Drug Enforcement Unit ng CCPO, ang suspek na kinilalang si “Abet”, 31, makaraang makabili ang nagpanggap na poseur buyer ng droga mula rito.
Nakuha pa mula sa suspek ang isang black coin purse na ginamit bilang lagayan ng droga at ang nagamit na buy-bust money.
Mahaharap ang suspek sa kasong paglabag sa Sec. 5 at 11, Art. II ng RA 9165.
Patuloy naman ang Cebu City PNP sa pagsusulong ng kanilang hakbangin para sa tuluyang pagkasugpo ng ilegal na droga sa lungsod maging sa lahat ng kriminalidad na bunsod nito.
