General Santos City – Kalaboso ang 2 High Value Individual (HVI) matapos mahulihan ang mga ito ng Php340,000 halaga ng hinihinalang shabu sa isinagawang buy-bust operation ng GenSan PNP sa Purok 15, Brgy. Lagao, General Santos City, nito lamang ika-7 ng Enero 2023.
Kinilala ni Police Brigadier General Jimili Macaraeg, Regional Director ng Police Regional Office 12, ang dalawang naaresto na HVI na sina alias “Tanggo” at alias “Poloy”, parehong 33 taong gulang at pawang residente ng nasabing lugar.
Ayon kay Police Major Paulino Asirit Jr., Chief, Regional Police Drug Enforcement Unit 12 (RPDEU), bandang alas 4:49 ng hapon ng maaresto ang mga suspek sa pinagsanib pwersa ng mga operatiba ng Police Regional Office 12, General Santos City Police Office at GenSan Police Station 3.
Nabili ng nagpanggap na poseur buyer sa mga suspek ang isang pirasong plastic sachet ng hinihinalang shabu, habang 10 plastic sachet ng hinihinalang shabu na may humigit kumulang 50 gramo at may tinatayang halaga na Php340,000 at isang Php1,000 peso bill bilang buy-bust money.
Sa patuloy na pagpupursigi ng kapulisan ng PRO12 na hadlangan ang pagpasok ng ilegal na droga sa rehiyon, patuloy naman ang panawagan nito sa publiko na makipagtulungan sa mga alagad ng batas para sa katahimikan at kaayusan ng SOCCSKSARGEN.
Panulat ni Patrolman Khnerwin Jay A Medelin
