Nasabat ang tinatayang Php340,000 halaga ng shabu at arestado naman ang isang High Value Target sa isinagawang operasyon sa Barangay West Kili-Kili, Wao, Lanao del Sur nito lamang ika-10 ng Setyembre 2024.
Kinilala ni Police Colonel Jerone Orville P Panganiban, Commander ng PNP Drug Enforcement Group – Special Operations Unit 15 ang suspek na si alyas “Kaway”, 61 anyos, na residente ng naturang lugar.
Ikinasa ang buy-bust operation ng PNP DEG SOU 15 katuwang ang Wao Municipal Police Station, 3rd Platoon – 1st Provincial Mobile Force Company at Regional Drug Enforcement Unit – PRO BAR na may koordinasyon sa Integrity Monitoring and Enforcement Group at Regional Intelligence Unit na nagresulta sa pagkakaaresto sa suspek at pagkakakumpiska sa dalawang medium heat-sealed transparent sachets na pinaghihinalaang shabu na may timbang na 50gramo at tinatayang nagkakahalaga ng Php340,000, at isang Php1,000 bill bilang buy-bust money.
Mahaharap sa kasong paglabag sa Republic Act 9165 o “Comprehensive Dangerous Drugs Act of 2002” ang suspek.
Patuloy ang Lanao del Sur PNP sa mas lalong pagpapaigting ng kampanya kontra ilegal na droga upang masiguro ang kaligtasan ng bawat mamamayan.
Panulat ni Patrolwoman Ma. Señora J Agbuya
