Angeles City – Tinatayang Php340,000 halaga ng shabu ang nasabat sa dalawang suspek sa isinagawang buy-bust operation ng Angeles City PNP at Philippine Drug Enforcement Agency nito lamang Miyerkules, Hulyo 6, 2022.
Kinilala ni Police Colonel Diosdado Fabian, Acting City Director ng Angeles City Police Station, ang mga suspek na sina Abdul Nasip Sindab Sarip, High Value Individual, 29, residente ng 1761 Jesus St. Lourdes Northwest, Angeles City 2, at si Jasper Amiel Tadena y Lagman, 24, residente ng Claveria St. Lourdes Sur Northwest, Angeles City.
Ayon kay PCol Fabian, bandang 1:00 ng madaling araw naaresto ang mga suspek sa Barangay Balibago, Angeles City ng pinagsanib na puwersa ng Station Drug Enforcement Unit (SDEU) ng Police Station 4 at PDEA.
Ayon pa kay PCol Fabian, narekober mula sa mga suspek ang nasa humigit kumulang 50 gramo ng hinihinalang shabu na may tinatayang halaga na Php340,000 at Php1000 peso bill marked money.
Nahaharap ang mga suspek sa kasong paglabag sa Section 5 at 11 Article II ng Republic Act 9165 o Comprehensive Dangerous Drugs Act of 2002.
Patuloy pa rin ang ginagawang operasyon ng PNP para tuluyang mahuli ang mga nagbebenta at gumagamit ng ilegal na droga at maging malaya sa ipinagbabawal na gamot na sumisira sa kinabukasan ng mamamayan lalo na ang mga kabataan.
Source: Angeles City Police Office
###
Panulat ni Police Corporal Jeselle V Rivera
