Zamboanga City – Tinatayang Php340,000 halaga ng shabu ang nasabat sa isang High Value Individual (HVI) sa ikinasang buy-bust operation ng mga awtoridad nito lamang Hulyo 10, 2023.
Kinilala ni Police Major Julius Dao-an, Acting Station Commander ng Zamboanga City Police Station 11, ang naarestong suspek na si alyas “Toh Taradji Jupuri”, 19, High Value Individual, walang asawa at residente ng Purok 3, Brgy. Labuan, Zamboanga City.
Ayon kay PMaj Dao-an, bandang 11:00 ng gabi nang mahuli ang suspek sa Fishpond Area, Brgy. Rio Hondo, Zamboanga City sa pinagsanib na puwersa ng Zamboanga City Police Station 11, Regional Mobile Force Battalion 9, Regional Intelligence Unit 9, City Intelligence Unit at City Drug Enforcement Unit.
Nakumpiska sa suspek ang dalawang pirasong transparent plastic sachet na naglalaman ng hinihinalang shabu na tumitimbang ng 50 gramo na nagkakahalaga ng Php340,000, buy-bust money at nahaharap sa kasong paglabag sa RA 9165 o Comprehensive Dangerous Drugs Act of 2002.
Ang PNP ay patuloy na paiigtingin ang kampanya kontra ilegal na droga at kriminalidad para sa mas mapayapa at ligtas na komunidad.
Panulat ni Patrolman John Ronald Tumonong/RPCADU9
