Cagayan de Oro City – Tinatayang Php340,000 halaga ng hinihinalang shabu ang nakumpiska sa Search Warrant Operation ng Drug Enforcement Team ng Cagayan de Oro City Police Station 9 sa Purok-5, Emerald Street, Brgy. Gusa, Cagayan de Oro City nito lamang Lunes, Marso 13, 2023.
Kinilala ni Police Captain Byron John Ratunil, Officer-In-Charge ng Cagayan de Oro City Police Station 9, ang naarestong suspek na si alyas “Irene”, 35, residente ng Cagayan de Oro City at tinaguriang Rank No. 8 PNP/PDEA Priority List City Level.
Dagdag pa ni PMaj Ratunil, bandang 6:13 ng umaga nang ikasa ang operasyon na nagresulta sa pagkakumpiska ng 24 na pakete ng hinihinalang shabu na may timbang na 50 gramo na may Standard Drug Price na Php340,000, isang bamboo stick sealer, isang bundle empty plastic sachet, isang black pouch organizer, isang red empty cigarette box, isang glass pipe, isang improvised foil gutter, at isang improvised foil tooter.
Mahaharap ang suspek sa kasong paglabag sa RA 9165 o Comprehensive Dangerous Drugs Act of 2002.
Ang Cagayan de Oro City PNP ay patuloy sa pagsasagawa ng mga operasyon upang masawata ang ilegal na droga sa Hilagang Mindanao.
Panulat ni Patrolman Edwin Baris/RPCADU10
