Tantangan, South Cotabato – Tinatayang Php340,000 halaga ng shabu ang nakumpiska sa buy-bust operation ng PDEA at PNP sa Purok Mabuhay, Brgy. New Iloilo, Tantangan, South Cotabato nito lamang Linggo, Hulyo 17, 2022.
Kinilala ni PMaj Randy Apostol, Officer-in-Charge ng Tantangan Municipal Police Station, ang naarestong suspek na si Edelbert Nequinto y Seudad, 34, residente ng Purok Rañada, Brgy. Poblacion, Polomolok, South Cotabato na tinaguriang High Value Target.
Ayon kay PMaj Apostol, isinagawa ang nasabing operasyon bandang 8:25 ng gabi ng pinagsamang puwersa ng operatiba mula sa Tantangan MPS, South Cotabato PDEU, 1st South Cotabato Provincial Mobile Force Company at PDEA South Cotabato.
Ayon pa kay PMaj Apostol, nakumpiska mula sa suspek ang 10 pakete ng hinihinalang shabu na may timbang na 50 gramo at may tinatayang presyo na Php340,000.
Muli namang pinapaalala ng PNP at ng PDEA na hindi sila titigil sa kampanya laban sa ilegal na droga, bagkus ay hinihikiyat ang ating mga kababayan na itigil na ang mga ganitong gawain dahil nasa huli ang pagsisisi.
###
Panulat ni Patrolman Gio Batungbacal
